daily news paper Vest
Насловна 
Македонија 
Црна Хроника 
Свет 
Скопје 
Култура 
Ревија 
Калеидоскоп 
Живот 
Фељтон 
Прилог 
Пошта 
Хумор 
Спорт 
ФОТО 
Време 
Денес    
ден: 31
ноќ: 13
Утре    
ден: 32
ноќ: 12
Задутре    
ден: 32
ноќ: 12
Кина 
Site Meter
  Година: 1   Број:269   Четврток   5/31/2001
  Македонија
Пребарувач
Во соработка со Најди!

Апелот за извлекување на цивилите од Липково, не даде резултати

Повикот на Министерството за одбрана и на Министерството за внатрешни работи за евакуација на цивилното население од селото Липково, вчера не даде никакви резултати. Терористите во Липково не му дозволиле на Меѓународниот црвен крст да влезе и да ги евакуира цивилите, потврдија армиски извори. Во Куманово се пренесе информацијата од некои странски медиуми дека градоначалникот на Липково Хусамедин Халили, упатил спротивен апел - тој не им препорачува на цивилите да излезат од своите засолништа, бидејќи таму биле побезбедни, а со излегување од селата, ќе влетале во вкрстен оган на безбедносните сили и терористите. Оваа информација, градоначалникот Халили ја оцени како чиста шпекулација и наведе дека причина поради која жителите на Липково и на околните села не се евакуираат, е нивниот страв за безбедноста на сопствените имоти. Тој тврди дека по евакуирањето, органите за безбдност ги делат мажите од семејствата и ги малтретираат. Најавеното извлекување на околу 10.000 цивили кои веќе 28 дена се наоѓаат во заложништво, требаше да започне во претпладневните часови. Безбедносните структури, во соработка со Меѓународниот комитет на Црвениот крст, на прифатните пунктови во Лопате, Никуштак и во Речица организираа и превоз за прифаќање на лицата. Беше предвидено, по пристигнувањето, евакуираните да се однесат на Градскиот стадион, а по одморот и укажаната помош, да се сместат по нивна желба, но ништо од најдобрите намери.
С. Николиќ

© ВЕСТ 2001
Секое користење на информации и фотографии од сајтот,
без дозвола на Редакција ВЕСТ е забрането
sloboden dneven vesnik Vest
Рекламен
простор