Утре вечер на Скопското лизгалиште концерт ќе одржи полската метал атракција "Вејдер" . Овие стари метал ветерани се најстарата преживеана група од зад железната завеса во 1986 година и високо котираат на светската метал сцена. Зад себе имаат 15-тина изданија и претставуваат исклучително моќна концертна атракција. На концертот ќе настапат и домашни групи "Тајмсенд" од Куманово, "Морбили" од Охрид и уште еден домашен метал бенд кој ќе биде изненадување за публиката. Концертот почнува од 20 часот, а поради големиот интерес вратата на лизгалиште ќе бидат отоврени еден час пред почетокот на концертот. Картите во претпродажба може да се купат по 300 денари, а на влезот на лизгалиште, пред концертот по 400 денари. Во Скопје билетите може да се купљт во "Југотон", "Рекорд рекордс" и "Круг", но и во Прилеп, Кратово, Тетово, Охрид, Кочани, Куманово и Битола. (В.М.)